Snerpa.is - Allar fréttir

Ljósleiðaraslit við Pólgötu

Sat, 27 Jun 2026 13:13:00 +0000

Verktaki við vinnu tók í sundur ljósleiðara við Pólgötu á Ísafirði og hefur slitið áhrif á hluta Pólgötu, Mjógötu, Norðurveg og Hafnarstræti 12 og 14.

Uppfært kl. 13:34 - Að öllu óbreyttu mun viðgerð hefjast upp úr kl 16:00 á eftir.

Uppfært kl. 17:10 - Bráðabirgðaviðgerð á streng stendur yfir.

Uppfært kl 17:55 - Notendur eru byrjaðir að detta inn.

Uppfært kl 18:38 - Bráðabirgðaviðgerð lokið og allir notendur ættu að vera komnir inn. Fullnaðarviðgerð fer fram eftir helgi og má búast við rofi þegar hún fer fram.

Uppfært 30.06.26 kl 09:00 - Fullnaðarviðgerð á sliti fer fram í dag og stendur fram yfir hádegi.

Ljósleiðaraslit á Seljalandsvegi

Wed, 17 Jun 2026 17:27:00 +0000

Upp hefur komið ljósleiðaraslit á Seljalandsvegi.

Hefur það áhrif á notendur á Seljalandsvegi og miðtúni.

Unnið er að viðgerð en áætlaður viðgerðartími liggur ekki fyrir eins og stendur.

Við biðjumst velvirðingar á þeim óþægindum sem kunna að verða vegna þess.

Bilun á Danice

Mon, 15 Jun 2026 14:40:00 +0000

Vegna bilunar sem komið hefur upp í Danice eru öll sambönd yfir sæstrenginn úti. Bilunin veldur því að umferð flæðir nú yfir Farice-1 og IRIS strengina og er því minni seigla á útlandasamböndum uns viðgerð er lokið. Míla mun fylgast áfram með þróuninni.

*Tímasetning atviks:15.06.2026, 14:23

Viðhald - Hnífsdalur

Thu, 04 Jun 2026 10:17:00 +0000

Notendur á búnaði Snerpu í Hnífsdal verða fyrir truflunum aðfaranótt þriðjudagsins 9. Júní vegna viðhalds. Þetta hefur einnig áhrif á GSM sendi Sýnar sem er staðsettur á Leiti.

Upphafstími framkvæmda er 01:00 og stendur til 02:00, áætlað er að rofið geti varið allt að 30 mínútur.

Við biðjumst velvirðingar vegna þessa.

Bilun sambanda Túngötu

Fri, 13 Mar 2026 07:28:00 +0000

Bilun er í búnaði Túngötu og er verið að skoða hvað veldur.

Svikapóstar í gangi

Mon, 16 Feb 2026 14:07:00 +0000

Um helgina hafa verið að ganga svikapóstar til meðal annars notenda Snerpu. Fólk er hvatt til að hunsa þessa pósta.

Ef formið sem vísað er á hefur verið fyllt út þá er um að gera að skipta sem fyrst um lykilorð að netfanginu sem notað var. Hægt að fá aðstoð í síma 5204021 fyrir þá sem treysta sér ekki til þess sjálfir en einnig er hægt að skipta um lykilorð í vefpóstinum hjá okkur á https://vefpostur.snerpa.is.

Var netreikningurinn aftur að hækka?

Wed, 28 Jan 2026 10:00:00 +0000

Vissir þú að þú getur sparað umtalsvert í net- og símakostnaði með því að versla í heimabyggð?

Hjá Snerpu getur þú fengið heimanet og farsíma á einungis 12.980 kr!

Gerðu samanburð á helstu áskriftarleiðum hjá Snerpu, Símanum og Sýn og sjáðu hvort þú getir ekki sparað með því að skipta til Snerpu.

Opnunartími Snerpu yfir hátíðirnar 2025

Wed, 17 Dec 2025 12:00:00 +0000

Opnunartími verslunar Snerpu yfir hátíðirnar er sem hér segir.

Þriðjudagur 23. des - Opið 8:30-16:30
Miðvikudagur 24. des - Lokað
Fimmtudagur 25. des - Lokað
Föstudagur 26. des - Lokað
Laugardagur 27. des - Lokað
Sunnudagur 28. des - Lokað
Mánudagur 29. des - Opið 8:30-16:30
Þriðjudagur 30. des - Opið 8:30-16:30
Miðvikudagur 31. des - Lokað
Fimmtudagur 1. jan - Lokað
Föstudagur 2. jan - Verslun lokuð vegna vörutalningar

Hægt er að ná í bakvakt vegna bilana yfir allar hátíðirnar.

2G og 3G kerfin kveðja

Mon, 17 Nov 2025 08:32:00 +0000

Nú styttist óðum í að 2G og 3G kerfunum verði lokað um land allt sem þýðir að búnaður sem styður aðeins 2G eða 3G mun hætta að virka. Því er mikilvægt að þú skiptir þeim tækjum út, því annars átt þú á hættu að missa farsímasamband.

Lokun 2G á Vestfjörðum verður 8. desember næstkomandi en lokun 3G kerfa hefst í byrjun árs 2026.

Ef þú átt eldri síma, öryggismyndavélar eða önnur tæki sem tengjast við farsímakerfið þá skaltu athuga hvort þau styðji VoLTE eða 4G og skipta þeim út ef svo er ekki.

Snerpa er Framúrskarandi fyrirtæki 2025

Sat, 01 Nov 2025 08:00:00 +0000

Fimmta árið í röð hefur Snerpa hlotið viðurkenningu Creditinfo sem Framúrskarandi fyrirtæki og er eitt 10 fyrirtækja á Vestfjörðum sem stóðust ströng skilyrði Creditinfo til ná þessum áfanga.

Ár hvert vinnur Creditinfo ítarlega greiningu á rekstri íslenskra fyrirtækja og eru meginmarkmið greiningarinnar að verðlauna þau fyrirtæki sem standa sig vel og stuðla að bættu viðskiptaumhverfi.

Til að teljast til Framúrskarandi fyrirtækja þurfa fyrirtæki að uppfylla ströng skilyrði um stöðugan rekstur þrjú ár aftur í tímann.

Fyrirtæki telst Framúrskarandi fyrirtæki 2025 ef það uppfyllir eftirfarandi skilyrði:

Fyrirtækið er í lánshæfisflokki 1-3
Ársreikningi skal skilað lögum samkvæmt eigi síðar en átta mánuðum eftir uppgjörsdag. Tekið verður tillit til allra opinberra framlenginga RSK á skilafresti
Fyrirtækið er virkt skv. skilgreiningu Creditinfo
Rekstrartekjur að lágmarki 60 milljónir króna reikningsárin 2023-2024 og að lágmarki 55 milljónir króna reikningsárið 2022
Fyrirtæki með rekstrartekjur yfir 2 milljarða króna þurfa að fylla út spurningalista um sjálfbærni
Framkvæmdarstjóri skráður í fyrirtækjaskrá RSK
Rekstrarhagnaður (EBIT) > 0 reikningsárin 2022-2024
Jákvæð ársniðurstaða reikningsárin 2022-2024
Eiginfjárhlutfall a.m.k. 20% reikningsárin 2022-2024
Eignir að minnsta kosti 120 milljónir króna reikningsárin 2023-24 og að lágmarki 110 milljónir króna reikningsárið 2022